Réckruff 2.0 - mat an ouni Päiff & steigender Oflenkung

Termin: 01.August 2026

Ass d'Grondbasis fir e verbindleche Réckruff geluecht, muss d'Oflenkung lues a lues gesteigert ginn, fir datt den Hond och bei méi schwirege Situatiounen weess wéi e reagéiere muss, wann e geruff gëtt... 

Viraussetzung: Basis Réckruff

Mindestalter 6 Méint

Dauer: 2 h

Nuesenaarbecht fir ënnerwee

Termin: 08. August 2026

Ech weisen dir an dësem Workshop wéi s du mat wéineg Opwand a wéineg Material kreativ a flott Nuesespiller fir däin Hond maache kanns. Iwwer Fäerten, Gerochsdifferenzéierung, etc. kucke mir eis verschidde Méiglechkeeten u fir däin Hond ënnerwee ze beschäftegen. 

Viraussetzung: keng

Mindestalter 6 Méint

Dauer: 2 h

Foussaarbecht "Retriever-Style"

Termin: 29. August 2026

Foussaarbecht ass e wichtegt Element am Dummy- oder am Begleithundetraining. Oder och fir am Alldag schwiereg Situatioun ze managen an esou Rou ranzebréngen. Grad am Dummy ass et wichteg, datt däin Hond léiert sech no vir ze fokusséieren a net erop bei dech ze kucken (wat iwwregens och immens schlecht fir d'Haltung ass). An dësem Workshop weisen ech dir wéi, a wéi een et erreecht, datt d'Foussaarbecht spéider wéi op Autopilot fonctionéiert. 

Viraussetzung: keng

Mindestalter 6 Méint

Dauer: 2 h

Dummytraining fir Newbies

Termin: 19. September 2026

Dummy ass eng wonnerbar Teamaarbecht. An dësem Workshop léiers du déi éischt Basics fir an déi wonnerbar Welt vun der Dummyaarbecht mat dengem Hund eranzeschnupperen. Heizou gehéieren e.a. verschidde Päiffkommandoen, e gudde Gehorsam a vill Spaass. Dummy ass iwwregens super fir d'Mënsch-Hond-Bindung ze stäerken.

Weider Infoen zum Dummytraining hei. 

Viraussetzung: Hond soll Spillsaach droen & halen

Mindestalter 6 Méint

Dauer: 3 h

Umeldungen sinn iwwert de Buchungssystem méiglech.