D'Zil vun der Hondsphysiotherapie ass et Péng ze miniméieren, d'Heelung ze fërderen an d'Liewensqualitéit

vum Hond ze verbesseren. 

 

An der Hondsphysiotherapie geet et drëms gestéiert Funktiounen am Beweegungsapparat ze behiewen. Zil ass et och, Péng ze miniméieren, Beweegungsofleef a Gelenkbeweeglechkeet ze normaliséieren. resp. ze erhalen an d'Fitness vum Hond ze verbesseren - bis an den héijen Alter. 

 

Duerch geziilt physiotherapeutesch Moossname kënnen Heelungsprozesser verkierzt an den Däiwelskrees vu Fehlbelaaschtung, Schounhaltung a Péng kann ënnerbrach ginn.

Physiotherapie ass e wichtegen Deel fir e gesond a fit Liewe vun Ärem Hond.

Physiotherapie ersetzt natierlech net de Besuch beim Veterinaire, mee ergänzt d'Behandlung bei dësem a verschiddene Fäll. 

 

Niewend der ganzheetlecher Behandlung vu klenge Boboën, wéi Gelenks- a Muskelfunktiounsstéierungen, Verspaanungen a Muskelen & Verkliewungen a Faszien, etc., läit mäi Fokus an der Hondsphysio och op der Fitness vum Hond. 

Mäi Fokus:

- Massagetechniken

- Krankegymnastik

- medizinesch Trainingstherapie

- Koordinativ Fäegkeeten ausbauen

- Muskelopbau/Muskelerhalt

- Gewiichtsreduzéierung bei Iwwergewiicht

...

 

Ech hu vu November 2022 bis Februar 2024 d'Formatioun fir "Hundephysiotherapeutin" bei der AFH (Aus- und Fortbildungszentrum für Hundegesundheit) mat schrëftlecher, mëndlecher a praktescher Prüfung am Februar erfollegräich ofgeschloss. www.afh-luxembourg.lu

Am März 2024 hunn ech "Hunde-Fitness-Coaching" Fortbildung bei der Dogtisch Academy ugefaang, fir mech an dësem Bereich weider ze forméieren. 

Wee mech kennt weess, datt weider Formatiounen nach um Plang stinn. ;) 

 

Anamnese: 

ca. 90 Min.: 65 €

 

Behandlung: 

ca. 30-45 Min.: 50 €*

 

 

Fir Rdvër kontaktéiert mech wgl. iwwert de Formulaire ënnen.

Consultatiounen si viraussiichtlech emol Mëttwochs méiglech, e weideren Dag ass geplangt.