Mäi Gruppenangebot gëtt an onreegelméissegen Ofstänn a Workshops organiséiert.

Ech hunn eng kleng awer fein Auswiel un Theme fir dëst Joer getraff. 

Dës Workshops fanne Samschdes statt an et gi mind. 3 a max. 6 Teams pro Thema ugeholl.*

Theme konzentréieren sech op Erzéiung, Gehorsam an Auslaaschtung.

Deelhuelen kënnen all Hënn ab mind. 6 Méint (wéinst der Dauer).

Umeldungen wgl. iwwert de Formulaire ënnen op der Säit. 

(* bei Dummythemen sinn et vereenzelt just 4 Teams.)

Umeldungen si verbindlech a musse mind. zwou Wochen virum Workshop stornéiert, resp. eng Ersatzpersoun ka gestallt ginn, soss gëtt de Workshop a voller Héicht verrechent.

Präis: 80 € (3 Stonnen)

        60 € (2 Stonnen)

D'Dauer entscheed sech opgrond vun den Umeldungen*:

Bei 4-6 Umeldungen = 3 Stonnen

Bei 3 Umeldungen = 2 Stonnen

Ënner 3 Umeldungen fënnt de Workshop net statt!

Participatioun op eege Gefor. 

* Ännerungen virbehalen. 

Rallye Obedience 1.4

Rallye Obedience ass eng Hondsportaart, an däer et ëm Gehorsam, Schnellegkeet a Spaass geet. Am Rallye Obedience (RO) absolvéiert een ee Parcours zesummen mam Hond, aus Aufgaben vu Sitz/Platz/Steh/Slalom a villes méi. Zil ass et, dëse Parcours feelerfräi a sou séier wéi méiglech ze duerchlafen. Spaass steet awer ëmmer un éischter Stell. 

Datum: 16.09.2023 15:00 bis 18:00 Auer (inklusiv klenge Pausen)

Viraussetzung: Sitz & Platz sollte bekannt sinn

Verfügbarkeet: 5 Plazen

Umeldschluss: 01.09.2023

Dono Wanterpaus, wat Workshops betrëfft.

Vun November 2023 bis Enn März 2024 fanne keng Workshops statt. 

Dofir sinn awer da Samsdes nomëttes Eenzelberodungen méiglech.